Mae Ysbyty Milfeddygol Caerfyrddin yn bractis arobryn, wedi'i adeiladu'n bwrpasol, o'r radd flaenaf sy'n darparu gofal i bob anifail, mawr a bach.
Mae ein practis yn hygyrch, gyda mynediad i’r anabl a pharcio ar y safle.
Mae ein tîm milfeddygol cyfeillgar a phrofiadol yn darparu gofal, llawdriniaethau a thriniaethau milfeddygol o’r safon uchaf – yn ogystal â gwiriadau iechyd rheolaidd a gweithdrefnau arferol. Rydym hefyd yn derbyn atgyfeiriadau ar gyfer offthalmoleg, llawdriniaethau orthpaedig, dermatoleg a sganio CT.
Mae gan ein hysbyty ofal ar y safle a’r tu allan i oriau 24 awr wedi’i ddarparu gan ein milfeddygon a’n nyrsys, gan sicrhau parhad gofal gan dîm y gallwch ymddiried ynddo.
Os bydd achos brys, rydym ar agor 24 awr y dydd pob dydd – sy’n golygu y gallwch weld milfeddyg, yma yn y clinig, ar unrhyw adeg. Os bydd achos brys, ffoniwch y practis a byddwn yn eich cynghori ar beth i’w wneud nesaf.
Y tu allan i’n horiau apwyntiadau arferol, peidiwch â ffonio oni byddwch yn pryderu y gallai fod angen gofal brys ar eich anifail anwes.
Os byddwch yn ffonio yn ystod y nos neu ar y penwythnos pan fydd ein practis ar gau, cysylltwch â MiNightVet Caerfyrddin.
MiNightVet yw ein gwasanaeth brys pwrpasol ar y safle â staff dros nos llawn a fydd yn sylwgar ac yn effeithiol, hyd yn oed yn ystod oriau anghymdeithasol. Mae gan ein milfeddygon a'n nyrsys cymwys ddiddordeb arbennig, profiad a hyfforddiant ym mhob agwedd ar ofal critigol brys.
Mae’r tîm MiNightVet ar gael i ddarparu cyngor yn rhad ac am ddim dros y ffôn os byddwch yn credu bod angen gofal brys ar eich anifail anwes, a byddant yn cynnig ymgynghoriad brys i chi yma yn y practis os bydd angen gweld eich anifail anwes y tu allan i oriau.